मुंबई  : कोल्हापूरच्या गोकुळ दूध उत्पादक संघातील सत्तासंघर्षात एक मोठी घडामोडी घडली आहे. राज्य मंत्रिमंडळाच्या निर्णयानंतर, गोकुळमध्ये चार शासकीय तज्ज्ञ संचालकांची नियुक्ती करून त्यांना मतदानाचा अधिकार देणाऱ्या अध्यादेशावर राज्यपाल जिष्णू देव वर्मा यांनी अखेर स्वाक्षरी केली आहे.

नुकत्याच झालेल्या निवडणुकीत आमदार सतेज पाटील यांच्या समविचारी आघाडीने १३, तर महायुतीने १२ जागा जिंकल्या होत्या. मात्र, अध्यक्षांच्या निवडीसाठी १४ संचालकांची (गणपूर्ती) गरज असल्याने सत्तास्थापनेचा तिढा निर्माण झाला होता. यावर तोडगा म्हणून महायुतीने शासननियुक्त संचालकांची मागणी केली होती.

 राज्यपालांच्या मंजुरीनंतर आता हे चार नवे संचालक मतदानात सहभागी होऊ शकणार असल्याने गोकुळमधील सत्तेचे समीकरण बदलण्याची शक्यता निर्माण झाली आहे.