कोल्हापूर  : हिंदी विभाग, शिवाजी विद्यापीठ, कोल्हापूर येथे लेखक से रूबरू कार्यक्रमानिमित्य जेष्ठ साहित्यिक, कवी, माजी विभागप्रमुख, हिंदी विभाग, मुंबई विद्यापीठ, मुंबई येथील प्रो. डाॅ. हूबनाथ पांडेय यांनी मनुष्य जीवनातील साहित्याचे महत्व स्पष्ट करताना माणसाला माणूस बनवते ते साहित्य, साहित्यामुळे पशुत्व कमी होऊन माणुसकी विकसित होण्यास मदत होते.

 आपल्याला मानवतेची बीजे पेरत आयुष्य जगता आले पाहिजे. जगण्याचे साधन म्हणून साहित्याकडे न पाहता संस्काराचे आगर म्हणून स्वीकारले पाहिजे असे मत मांडले. यावेळी जेष्ठ गझलकार राकेश शर्मा यांनी भाषेचे महत्त्व स्पष्ट करणारी गझल सादर केली. वरिष्ठ संपादक रमण मिश्र यांनी साहित्य प्रकारांची निर्मिती का व कशी झाली ते सांगितले. हिंदी विभाग प्रमुख डाॅ तृप्ती करेकट्टी यांनी पुस्तक देऊन मान्यवरांचे स्वागत केले. यावेळी डाॅ. गीता दोडमणी यांच्यासह एम.ए. भाग 1,2 तसेच संशोधक विद्यार्थी, विद्यार्थिनी उपस्थित होत्या.

 कार्यक्रमाचे आभार डाॅ. नरसिंग एकिले यांनी तर सूत्रसंचालन डाॅ. जयसिंग कांबळे यांनी केले.