कोल्हापूर : कोल्हापूर शहरासह जिल्ह्यात आज सकाळपासून सुरू असलेल्या संततधार पावसाचा फटका जनजीवनाला बसला आहे. पावसामुळे शहरातील ताराबाई पार्क परिसरातील भविष्य निर्वाह निधी कार्यालयासमोर असलेले एक महाकाय झाड अचानक रस्त्यावर कोसळले.

या दुर्दैवी घटनेत रस्त्याच्या कडेला उभ्या असलेल्या सहा गाड्यांचे मोठे नुकसान झाले आहे. सुदैवाने, या घटनेत कोणतीही जीवितहानी झाली नसली तरी, एक व्यक्ती जखमी झाल्याचे वृत्त आहे. 

पावसाचा जोर कायम असल्याने आणि झाड मुख्य रस्त्यावर पडल्याने या मार्गावरील वाहतुकीची काही काळ कोंडी झाली होती. घटनेची माहिती मिळताच स्थानिक प्रशासनाचे पथक आणि अग्निशमन दलाचे जवान घटनास्थळी दाखल झाले त्यानंतर रस्त्यावर झाड हटवल्यानंतर मार्ग वाहतुकीसाठी खुला झाला.