कोल्हापूर : दि न्यू एज्युकेशन सोसायटी संचलित प्रिन्सेस पद्माराजे गर्ल्स हायस्कूल, कोल्हापूर येथील पूर्वा प्रभाकर केंगले हिने शैक्षणिक क्षेत्रात उल्लेखनीय यश संपादन करत जवाहर नवोदय विद्यालयासाठी निवड मिळवली आहे. इयत्ता ९ वीच्या प्रवेशासाठी घेण्यात आलेल्या निवड प्रक्रियेत तिने उत्कृष्ट कामगिरी करून हे यश प्राप्त केले.

पूर्वा ही अभ्यासू, मेहनती व जिद्दी विद्यार्थिनी असून तिच्या या यशामुळे शाळेच्या नावलौकिकात भर पडली आहे. तिच्या यशाबद्दल शाळेच्या मुख्याध्यापिका, पर्यवेक्षक, सर्व शिक्षक व शिक्षकेतर कर्मचाऱ्यांनी तिचे अभिनंदन करून पुढील शैक्षणिक वाटचालीस मनःपूर्वक शुभेच्छा दिल्या.

या यशामागे विद्यार्थिनीची अथक मेहनत, पालकांचे सहकार्य तसेच शिक्षकांचे योग्य मार्गदर्शन लाभल्याची भावना व्यक्त करण्यात आली. पूर्वाच्या या यशामुळे शाळेमध्ये आनंदाचे वातावरण निर्माण झाले असून इतर विद्यार्थिनींनाही प्रेरणा मिळाली आहे.