कोल्हापूर  : कोल्हापुरातील फुलेवाडी रिंग रोड परिसरातील एका सुपर बाजारला आज पहाटे भीषण आग लागली. पहाटेच्या सुमारास दुकानातून धुराचे लोट येत असल्याचे स्थानिक नागरिकांच्या निदर्शनास आले. या घटनेची माहिती मिळताच कोल्हापूर महानगरपालिकेच्या अग्निशमन दलाने तात्काळ धाव घेतली आणि सुमारे दीड तासाच्या प्रयत्नांनंतर आगीवर नियंत्रण मिळवले.

या आगीत सुदैवाने कोणतीही जीवितहानी झालेली नाही, परंतु दुकानातील लाखो रुपयांचे साहित्य जळून खाक झाल्याने मोठे आर्थिक नुकसान झाले आहे. आगीचे नेमके कारण अद्याप स्पष्ट झाले नसले तरी, प्राथमिक अंदाजानुसार शॉर्टसर्किटमुळे ही आग लागल्याची शक्यता वर्तवण्यात येत आहे.

 पोलीस आणि संबंधित विभाग या घटनेचा अधिक तपास करत आहेत.