कोल्हापूर : महाराष्ट्र राज्य परीक्षा परिषद, पुणे-04 यांच्या वतीने महाराष्ट्र शिक्षक पात्रता परीक्षा (MAHATET)-2026 रविवार, 21 जून  रोजी घेण्यात येणार आहे. शासन निर्णयानुसार शिक्षक पात्रता (TET) परीक्षा घेण्यात येत असून, इयत्ता 1 ली ते 5 वी (पेपर-1) तसेच 6 वी ते 8 वी (पेपर-२) साठी सर्व व्यवस्थापन, सर्व परीक्षा मंडळे, सर्व माध्यम, अनुदानित, विनाअनुदानित व कायम विनाअनुदानित शाळांमध्ये शिक्षण सेवक व शिक्षक पदावर नियुक्तीसाठी ही परीक्षा उत्तीर्ण होणे अनिवार्य आहे.

 परीक्षेशी संबंधित सर्व शासन निर्णय, अनुषंगिक माहिती, सूचना महाराष्ट्र राज्य परीक्षा परिषदेच्या https://mahatet.in या संकेतस्थळावर उपलब्ध आहे. सर्व संबंधित परीक्षार्थ्यांनी या संकेतस्थळास नियमित भेट द्यावी. 

 परीक्षेसाठी ऑनलाइन अर्ज व परीक्षा शुल्क भरण्याची 27 मार्च पासून सुरू झाली असून 16 एप्रिलपर्यंत उमेदवारांना अर्ज करता येणार आहे. ऑनलाईन आवेदनपत्र व परीक्षा शुल्क भरण्याचा कालावधी- 27 मार्च ते 16 एप्रिल पर्यंत, प्रवेशपत्र ऑनलाईन प्रिंट काढून घेणे- 9 ते 21 जून पर्यंत, शिक्षक पात्रता परीक्षा पेपर -1 दिनांक व वेळ- रविवार, 21 जून सकाळी 10.30 ते 1 पर्यंत तर शिक्षक पात्रता परीक्षा पेपर -2 दिनांक व वेळ- रविवार, 21 जून दुपारी 2.30 ते 5 पर्यंत असणार आहे.
काही प्रशासकीय कारणांमुळे वेळापत्रकात बदल होण्याची शक्यता आहे.

 परीक्षाक्षार्थ्यांसाठी अद्यावत माहिती जिल्हा परिषदेच्या https://mahatet.in या संकेतस्थळावर यशावकाश प्रसिध्द केली जाईल, अशी माहिती जिल्हा परिषदेच्या प्राथमिक शिक्षणाधिकारी डॉ. मीना शेंडकर यांनी दिली.