कोल्हापूर : महाराष्ट्र संशोधन उन्नती व प्रशिक्षण प्रबोधिनी अर्थात ‘अमृत’ या राज्य शासनाच्या स्वायत्त संस्थेच्यावतीने खुल्या प्रवर्गातील आर्थिकदृष्ट्या दुर्बल घटकांतील उद्योजकांनी तयार केलेल्या उत्पादनांना बाजारपेठ उपलब्ध करून देण्यासाठी भव्य प्रदर्शन व विक्रीचे आयोजन करण्यात आले आहे. हे प्रदर्शन ५ व ६ सप्टेंबर रोजी सकाळी ११ ते रात्री ८ या वेळेत नागाळा पार्क येथील हॉटेल पाटीलवाडा जवळील श्री बाळकृष्ण हवेली ट्रस्ट सांस्कृतिक हॉल, केशवभाई पटेल यात्रेनिवास बिल्डिंग पार्किंग एरिया येथे होणार आहे.

या उपक्रमाच्या माध्यमातून छोट्या व घरगुती पद्धतीने उत्पादने निर्माण करणाऱ्या तसेच उत्पादनांची विक्री करणाऱ्या उद्योजकांना आपली उत्पादने थेट ग्राहकांपर्यंत पोहोचविण्याची संधी मिळणार आहे. या प्रदर्शनात उद्योजकांना विक्री स्टॉल उपलब्ध करून देण्यात येणार असून, त्यांच्या व्यवसायाची प्रसिद्धी होण्यासोबतच उत्पादनांना बाजारपेठ मिळण्यास मदत होणार आहे. 

‘अमृत’च्या या उपक्रमाला भेट देऊन उद्योजक, नागरिकांनी उत्पादनांना प्रोत्साहन द्यावे तसेच उद्योजकांनी या संधीचा लाभ घेऊन आपल्या व्यवसायाला नवी ओळख व प्रसिद्धी मिळवून द्यावी, असे आवाहन अमृततर्फे करण्यात आले.