गडहिंग्लज: महागाव तालुका गडहिंग्लज) येथील 'घंटीचा झरा' ओढ्यात छिन्नविच्छिन्न अवस्थेत मिळालेल्या महिलेच्या मृत्यूचे गूढ कोल्हापूर स्थानिक गुन्हे अन्वेषण शाखेने (LCB) उकलले आहे. वन्य प्राण्याने हल्ला केल्याचा बनाव रचून प्रेयसीचा खून करणाऱ्या प्रविण चंद्रकांत चिंचेवाडी (वय ३४, रा. भडगाव) याला पोलिसांनी बेड्या ठोकल्या आहेत.

​सुनिता संजय केसरकर (वय ४०) हिचा मृतदेह ११ फेब्रुवारी रोजी चेहरा व हात नसलेल्या अवस्थेत आढळला होता. प्राथमिक दृष्ट्या हा वन्य प्राण्याचा हल्ला वाटत होता, मात्र सुनिताचे दागिने आणि मोबाईल गायब असल्याने पोलिसांना संशय आला. तपासात सुनिता व प्रविण यांचे गेल्या ६ वर्षांपासून अनैतिक संबंध असल्याचे समोर आले. प्रविणचे लग्न झाल्याने तो तिला टाळत होता, मात्र सुनिताने लग्नाचा तगादा लावून नातेवाईकांना सांगण्याची धमकी दिल्याने त्याने तिचा काटा काढण्याचे ठरवले.

१८ जानेवारीला तिला निर्जन स्थळी नेऊन तिचा गळा दाबून खून केला आणि मृतदेह ओढ्यात फेकला, जेणेकरून वन्य प्राण्यांनी तो खावा आणि पुरावा नष्ट व्हावा. पोलिसांनी  प्रविणला ताब्यात घेतले असून त्याने आपला गुन्हा कबूल केला आहे.