कोल्हापूर  :  भारतीय जनता युवा मोर्चाचे महाराष्ट्र प्रदेशाध्यक्ष कृष्णराज महाडिक यांच्या वाढदिवसाचे औचित्य साधून शिये (करवीर) येथील भाजपा पदाधिकाऱ्यांच्या वतीने एक स्तुत्य सामाजिक उपक्रम राबवण्यात आला. यानिमित्त गावातील दिव्यांग बांधवांसाठी ६ व्हील चेअर आणि ६ स्टिकचे वाटप करण्यात आले.

समाजातील गरजू आणि दिव्यांग व्यक्तींना आधार देण्याच्या उद्देशाने हा उपक्रम राबवण्यात आला. यावेळी उपस्थित मान्यवरांच्या हस्ते दिव्यांग लाभार्थ्यांना या साहित्याचे वाटप करण्यात आले.

याप्रसंगी संजय गांधी निराधार योजनेचे सदस्य मारुती बुवा, करवीर पंचायत समितीचे सदस्य जयसिंग काशीद यांच्यासह दत्तात्रय चौगुले, अनिल जाधव, बाजीराव सातपुते, अमोल उरुणकर, शिवाजी पाटील, संगीता खाडे, पुष्पा पवार आणि अर्पिता जाधव आदी भाजपा पदाधिकारी व कार्यकर्ते मोठ्या संख्येने उपस्थित होते. भाजपा युवा मोर्चाच्या या उपक्रमाचे शिये परिसरातून कौतुक होत आहे.