सण-उत्सवांतील मंडप तपासणीसाठी दोन संनियंत्रण समित्या
schedule10 Sep 26 person by visibility 153 categoryसामाजिक
कोल्हापूर : जिल्ह्यातील कोल्हापूर व इचलकरंजी महानगरपालिका हद्दीच्या कार्यक्षेत्रामध्ये सण, समारंभ व उत्सवांच्या कालावधीमध्ये उभारण्यात येणाऱ्या मंडपांची तपासणी करुन, तपासणी अहवाल पुढील कार्यवाहीसाठी संबंधित महानगरपालिका आयुक्त यांच्याकडे किमान 7 दिवस अगोदर तपासणी दिनांकास दाखल करण्यासाठी जिल्हादंडाधिकारी डॉ. विजय राठोड यांनी सन 2026 साठी दोन स्वतंत्र संनियंत्रण समितींची नियुक्ती केली आहे.
कोल्हापूर महानगरपालिका कोल्हापूरसाठी- मोसमी चौगुले, उपविभागीय अधिकारी करवीर उपविभाग, कोल्हापूर यांची अध्यक्ष तर किरण धनवडे, उपायुक्त, कोल्हापूर महानगरपालिका व प्रिया पाटील, उपविभागीय पोलीस अधिकारी कोल्हापूर शहर यांची सदस्य म्हणून नियुक्ती करण्यात आली आहे.
▪️इचलकरंजी महानगरपालिका इचलकरंजीसाठी
-दिपक शिंदे, उपविभागीय अधिकारी इचलकरंजी उपविभाग, इचलकरंजी यांची अध्यक्ष तर अशोक कुंभार, उपायुक्त, इचलकरंजी सदस्य महानगरपालिका, इचलकरंजी व विक्रांत गायकवाड, उपविभागीय पोलीस अधिकारी इचलकरंजी यांची सदस्य म्हणून नियुक्ती करण्यात आली आहे.
संबंधित अधिकारी रजा/बदली/कार्यभार बदल अथवा अन्य कारणांमुळे अनुपस्थित असल्यास, त्यांचा कार्यभार ज्या अधिकाऱ्यांचेकडे सोपविण्यात येईल, त्या अधिकाऱ्यांनी या आदेशानुसार कामकाज पार पाडावयाचे आहे.
नियुक्त संनियंत्रण समित्यांनी कोल्हापूर जिल्ह्यातील महानगरपालिका कार्यक्षेत्रामध्ये सण, समारंभ व उत्सवांच्या कालावधीमध्ये उभारण्यात येणाऱ्या मंडपांची तपासणी करुन, तपासणी अहवाल त्याचदिवशी पुढील कार्यवाहीसाठी संबंधित आयुक्तांकडे विनाविलंब सादर करावा, असे आदेश जिल्हाधिकारी यांनी दिले आहेत.
