कोल्हापूर : गोकुळ दूध संघाच्या २५ जागांसाठी दाखल झालेल्या अर्जांची छाननी प्रक्रिया पूर्ण झाली असून, यामध्ये अनेक बड्या नेत्यांच्या अर्जांना कात्री लागली आहे. माजी संचालक एस.आर. पाटील, मुरलीधर जाधव, रघुनाथ पाटील, युवराज गवळी आणि रामचंद्र डांगे यांच्यासह सर्वसाधारण गटातील १८ अर्ज अपात्र ठरले मात्र अनेकांचे दुसरे अर्ज पात्र ठरल्याने त्यांना दिलासा मिळाला.

◼️छाननीतील ठळक मुद्दे:
 * एकूण अर्ज: २५ जागांसाठी ३०१ उमेदवारांनी ४३६ अर्ज दाखल केले होते.
 * अपात्र अर्ज: छाननी प्रक्रियेत सर्वसाधारण गटातून १८, ओबीसी व महिला गटातून प्रत्येकी १५, तर एससी आणि एनटी प्रवर्गातून प्रत्येकी ५ अर्ज अपात्र ठरले आहेत.

 * कारण काय? सूचक आणि अनुमोदक असलेल्या दूध संस्थांचे पशुखाद्य खरेदी व दूध पुरवठ्याचा कोटा पूर्ण न झाल्यामुळे हे अर्ज अपात्र ठरले होते.

दुसऱ्या अर्जामुळे काहींना दिलासा:
अनेकांनी दुसऱ्या गटातून किंवा एकाच गटात दोन अर्ज भरले होते. नियम व निकष पूर्ण करत असल्यामुळे अनेकांचे दुसरे अर्ज पात्र ठरले असून, एका गटात अर्ज अपात्र ठरला तरी दुसऱ्या अर्जामुळे अनेकांना मोठा दिलासा मिळाला आहे.निवडणूक निर्णय अधिकारी मौसमी चौगुले यांच्यासमोर ही छाननी प्रक्रिया पार पडली. 

गोकुळच्या या उमेदवारी अर्ज छाननी प्रक्रियेचा अंतिम व अधिकृत चित्र गुरुवार, २४ सप्टेंबर रोजी स्पष्ट होणार असून या घडामोडींमुळे जिल्ह्याचे राजकारण चांगलेच तापले आहे.