कोल्हापूर : केंद्रीय निवडणूक आयोगाच्या निर्देशानुसार 276 कोल्हापूर (उत्तर) विधानसभा मतदारसंघात विशेष सखोल पुनरीक्षण अभियान राबवण्यात येत आहे. या अभियानांतर्गत 276 कोल्हापूर (उत्तर) विधानसभा मतदारसंघातील ३,०५,४२६ मतदारांपैकी १,०८,८४१ मतदार यांनी गणना फार्म भरून दिले असून त्याचे डिजिटायझेशनची प्रक्रिया पूर्ण करण्यात आली आहे. अद्यापही १,०८,८४१ इतके मतदार गणना फॉर्म देण्याकरता शिल्लक आहेत.

 गणना फॉर्म देणे करता शनिवार दि. १ ऑगस्ट व रविवार दि.२ ऑगस्ट हे सुट्टीचे दिवस असून या दोन्ही दिवशी मतदान केंद्रस्तरीय अधिकारी पूर्ण वेळ मतदान केंद्र परिसरात कार्यरत राहणार आहेत. त्यामुळे शिल्लक मतदार यांनी मतदान केंद्रस्तरीय अधिकारी यांना त्यांच्या आवश्यक माहितीसह गणना फॉर्म देणे बाबत मतदार नोंदणी अधिकारी तथा उपजिल्हाधिकारी (महसूल) डॉ.संपत खिलारी यांनी आवाहन केले आहे.

चालू मतदार यादी तसेच सन 2002 चे मतदार यादी मधील तपशील व मतदान केंद्रस्तरीय अधिकारी (बी एल ओ) यांचा संपर्क क्रमांक माहिती करून घेण्यासाठी या electoralsearch.eci.gov.in या वेबसाईटवर जाऊन संबंधित मतदान केंद्रस्तरीय अधिकारी (बीएलओ) यांना आपले गणना फॉर्म जमा करावे असे आवाहनही त्यांनी केले आहे.