पणजी : कुंडईकर नगर, पणजी येथे 'हेट्स ऑफ फोर टेल्स' या आंतरराष्ट्रीय दर्जाच्या डॉग आणि कॅट शॉपीचे उद्घाटन युवा नेते उत्पल मनोहर परिकर यांच्या हस्ते करण्यात आले. यावेळी शॉपीच्या व्यवस्थापिका के. शिल्पा यांनी उत्पल परिकर यांचे औपचारिक स्वागत केले.

 प्रमुख पाहुण्यांमध्ये प्रसाद नार्वेकर, माजी नगरसेविका शिबा नार्वेकर यांचा समावेश होता. उपस्थित सर्वांनी या नव्या शॉपीचे कौतुक करत शुभेच्छा दिल्या.
'हेट्स ऑफ फोर टेल्स' हे शॉप डॉग आणि कॅटसाठी विविध प्रकारच्या आंतरराष्ट्रीय ब्रँडचे फूड, अॅक्सेसरीज, खेळणी आणि आवश्यक उत्पादने उपलब्ध करून देणार आहे. पेट्सप्रेमींसाठी हे शॉप एक नवा अनुभव देईल, असा विश्वास व्यवस्थापिका के. शिल्पा यांनी व्यक्त केला. तसेच लवकरच पश्चिम महाराष्ट्रामध्ये या शॉपच्या शाखा खुल्या होणार आहेत असे त्यांनी सांगितले.

यावेळी बोलताना उत्पल परिकर म्हणाले की, "गोव्यासारख्या ठिकाणी आंतरराष्ट्रीय दर्जाचे असे शॉपी उघडल्याने पाळीव प्राण्यांची काळजी घेणाऱ्या नागरिकांना मोठा आधार मिळेल. हे शॉपी वेगळी ओळख निर्माण करेल याची मला खात्री आहे." त्यांनी व्यवस्थापक मंडळास पुढील वाटचालीसाठी शुभेच्छा दिल्या.

'हेट्स ऑफ फोर टेल्स' शॉपी आता कुंडईकर नगर येथील पेट्सप्रेमींसाठी खुली झाली असून, या शॉपीमुळे परिसरात प्राणीप्रेमींसाठी एक उत्कृष्ट सेवा उपलब्ध होणार आहे.