वारणा विविध उद्योग व शिक्षण समूहाचे अध्यक्ष,डॉ.विनयरावजी कोरे, वारणा विद्यापीठाचे कुलाधिकारी, एन. एच. पाटील आणि वारणा विद्यापीठाचे कुलगुरू डॉ. डी. टी. शिर्के यांचे मार्गदर्शन लाभले.

 

कार्यक्रमास कोल्हापूर जिल्हा पोलीस अधीक्षक नीलोत्पल प्रमुख पाहुणे, तर सायबर पोलीस ठाण्याचे पोलीस निरीक्षक संजय हरुगडे सन्माननीय अतिथी म्हणून उपस्थित होते. शाहूवाडी उपविभागाचे पोलीस उपअधीक्षक प्रणिल गिल्डा, पोलीस उपअधीक्षक संजय डौर आणि प्रोबेशनरी पोलीस उपअधीक्षक श्रीकांत थिकाणे विशेष अतिथी होते. कार्यक्रमाच्या अध्यक्षस्थानी, श्री वारणा विभाग शिक्षण मंडळाचे, मुख्य कार्यकारी अधिकारी डॉ. व्ही. व्ही. कारजिन्नी होते. प्रभारी प्राचार्य डॉ. के. आय. पाटील आणि डीन डॉ. एस. एम. पिसे, प्रा. बी. आर. बागणे उपस्थित होते.

 

नीलोत्पल यांनी विद्यार्थ्यांना जीवनात यशस्वी होण्यासाठी निष्ठा, समर्पण आणि दृढनिश्चय या त्रि-सूत्राचा अंगीकार करण्याचे आवाहन केले. संजय हरुगडे यांनी सायबर फसवणुकीचे प्रकार व प्रतिबंधात्मक उपाय स्पष्ट केले. कोल्हापूर पोलीस सायबर सुरक्षा जनजागृती व्हॅनद्वारे सायबर गुन्हेगारी व डेटा सुरक्षेची प्रात्यक्षिके दाखविण्यात आली.

 

डॉ. एस. एम. पिसे यांनी प्रास्ताविक केले. प्रा. सुभाष कोळी यांनी सूत्रसंचालन केले. प्रगती व स्वप्ना यांनी आभार मानले. आयोजनासाठी प्रा. राजेश गाडे, प्रा. लेफ्टनंट आर. बी. नाईक आणि प्रा. लोचन आदूलकर यांनी परिश्रम घेतले.