कोल्हापूर  : महानगरपालिकेच्या घरफाळा विभागाच्यावतीने दि. 01 एप्रिल ते  30 जून 2026 अखेर सन 2026-27 या आर्थिक वर्षातील घरफाळा रक्कम भरणा केल्यास महापालिका करामध्ये 6 टक्के सूट जाहिर करण्यात आली आहे. त्यानुसार शहरातील 27 हजार 756 मिळकतधारकांनी या 6 टक्के सवलत योजनेचा लाभ घेतला आहे. यामधून 12 कोटी 11 लाख 60 हजार 949 रुपये रक्कम जमा झाली आहे. 

शहरातील 1,41,526 मिळक्तधारकांनी अद्यापही सन 2026-27 या आर्थिक वर्षातील घरफाळा रक्कम जमा केलेली नाही.

 महानगरपालिकेची सर्व नागरी सुविधा केंद्रे सकाळी 9:00 ते दुपारी 4:30 या वेळेत सुरु ठेवण्यात आलेली आहेत. तसेच नागरीकांच्या सोईसाठी गुगल पे, फोन पे, पेटीएम व महानगरपालिका संकेत स्थळावरुन सुध्दा ऑनलाईन रक्कम भरणा करण्याची सुविधा उपलब्ध करुन देण्यात आलेली आहे. त्याचप्रमाणे घरफाळा विभागीय कार्यालयामधील व नागरी सुविधा केंद्रामधील किओस्क मशिनव्दारे ऑनलाईन रक्कम भरणा करण्याची सुविधा देखिल उपलब्ध करुन देण्यात आलेली आहे.

तरी शहरातील सर्व मिळकतधारकांनी 30 जून 2026 अखेर आपली सन 2026-27 चालू आर्थिक वर्षाची घरफाळ्याची रक्कम भरुन महापालिका करामधील 6 टक्के सवलत योजनेचा लाभ घ्यावा असे आवाहन महानगरपालिकेच्यावतीने करण्यात आले आहे.