◼️ दोन लाखांहून अधिक रुपयांच्या बक्षिसांचे वितरण; नवरात्रोत्सवाच्या पहिल्याच दिवशी तरुणाईचा जल्लोष

कोल्हापूर : कोरगावकर ग्रुप आणि रग्गेडियन जिम यांच्या वतीने आयोजित करण्यात आलेली ‘रंगताली’ दांडिया आणि गरबा नाईट मोठ्या उत्साहात पार पडली. नवरात्रोत्सवाच्या पहिल्याच दिवशी आयोजित या सोहळ्याला नागरिकांचा उत्स्फूर्त प्रतिसाद मिळाला. आकर्षक रोषणाई, डीजेच्या तालावरील संगीत आणि पारंपरिक दांडिया-गरब्याच्या उत्साहाने कार्यक्रमाला रंगत आली.

राम कृष्ण हॉल येथे कार्यक्रमाचे उद्घाटन लाचलुचपत प्रतिबंधक विभागाच्या प्रमुख वैष्णवी पाटील यांच्या हस्ते करण्यात आले. यावेळी कोल्हापूर जिल्ह्यातील विविध दांडिया आणि गरबा ग्रुप्सनी उत्स्फूर्त सहभाग नोंदवला. तरुणाईसह नागरिकांनी डीजेच्या तालावर ठेका धरत नवरात्रोत्सवाचा आनंद लुटला. कार्यक्रमात दोन लाखांहून अधिक रुपयांच्या बक्षिसांचे वितरण करण्यात आले.

घटस्थापनेच्या पहिल्याच दिवशी आयोजित करण्यात आलेल्या या दांडिया-गरबा नाईटमुळे कोल्हापुरातील नवरात्रोत्सवाच्या उत्साहात भर पडली. भव्य आयोजन आणि नागरिकांच्या मोठ्या प्रतिसादामुळे ‘रंगताली’ सोहळ्याची शहरात विशेष चर्चा सुरू आहे.

या कार्यक्रमाचे आयोजन कोरगावकर ग्रुपचे आकाश कोरगावकर, राज कोरगावकर, आशिष कोरगावकर, ओम कोरगावकर, पूनम कोरगावकर, व्यवस्थापक प्रशांत डंगरे, खुशबू तलरेजा, प्रीती भानुशाली, दीप्ती ओसवाल आणि अझरुद्दीन मुल्ला यांनी केले.