कोल्हापूर : छत्रपती शिवाजी महाराज महसूल समाधान शिबीर अभियान टप्पा क्र.१ अंतर्गत आजरा तहसिल कार्यालयाच्या कार्यक्षेत्रामध्ये विविध ठिकाणी शिबिरांचे आयोजन करण्यात आले आहे. शासन निर्णयानुसार सर्वसामान्य जनता व शेतकरी यांचे महसूल विभागांतर्गत क्षेत्रीय कार्यालयाशी संबंधित दैनंदिन प्रश्न निकाली काढणे, महाराष्ट्र जमीन महसूल संहिता मधील नवीन तरतुदींची जनजागृती व प्रभावी अंमलबजावणी करणे, डिजिटल सेवांचा जास्तीत जास्त वापर सुनिश्चित करणे तसेच नागरिकांना एकदिवसीय सेवा उपलब्ध करून देणे या उद्देशाने ७ मार्च ते १५ मे या कालावधीत राज्यात महसूल मंडळ स्तरावर तसेच नगरपरिषद व नगरपंचायत पातळीवर हे अभियान राबविण्याबाबत निर्देश दिले आहेत.

शिबिरांचे आयोजन पुढीलप्रमाणे-
शनिवार, ७ मार्च : आण्णाभाऊ सांस्कृतिक हॉल, आजरा हायस्कूल, शनिवार, १४ मार्च : गवसे, रवळनाथ मंदिर, शुक्रवार, १० एप्रिल : मलिग्रे, मलिकअर्जुन मंदिर, शुक्रवार, १७ एप्रिल : उत्तूर, महादेव मंदिर, शुक्रवार, १५ मे : प्रशासकीय हॉल, तहसिल कार्यालय,आजरा

या शिबिरांमध्ये प्रलंबित फेरफार प्रकरणे, ७/१२ उताऱ्यातील त्रुटी दुरुस्ती, डिजिटल स्वाक्षरीयुक्त ७/१२ व ८-अ, उत्पन्न, रहिवास व जातीचे प्रमाणपत्र, नॉन-क्रीमीलेअर प्रमाणपत्र, घरकुलासाठी पत्रे वाटप, ई-मोजणी अर्ज, अॅग्रीस्टॅक तसेच पी.एम. किसान नोंदणी आदी सेवा उपलब्ध करून देण्यात येणार आहेत. जास्तीत-जास्त नागरिकांनी या शिबिराचा लाभ घ्यावा, असे आवाहन आजरा तहसिलदार समीर माने यांनी केले.