चुये : करवीर तालुक्यातील राजकीय वर्तुळाचे लक्ष लागून राहिलेल्या राजर्षी शाहू शेतकरी समविचारी आघाडीच्या प्रचार शुभारंभाचा कार्यक्रम उद्या, रविवार (दि. ११ ऑक्टोबर २०२६) रोजी सकाळी १० वाजता चुये येथील विठ्ठल रखुमाई हॉल येथे आयोजित करण्यात आला आहे. या कार्यक्रमाद्वारे आघाडीच्या प्रचाराचा नारळ फुटणार आहे.

या प्रचार शुभारंभ सोहळ्यास विधान परिषदेचे गटर्नेत व आमदार सतेज पाटील, स्वाभिमानी शेतकरी संघटनेचे संस्थापक तथा माजी खासदार राजू शेट्टी, माजी आमदार बजरंग देसाई, सत्यजित पाटील सरुडकर, राजूबबा आवळे, आमदार ऋतुराज पाटील, गणपतराव पाटील, राष्ट्रवादी काँग्रेस (शरदचंद्र पवार पक्ष) चे जिल्हाध्यक्ष व्ही. बी. पाटील, शिवसेना (उद्धव बाळासाहेब ठाकरे) पक्षाचे उपनेते संजय पवार, सहसंपर्कप्रमुख विजय देवणे, सहसंपर्कप्रमुख सुनील शिंत्रे उपस्थित राहणार आहेत.

 तसेच 'गोकुळ' दूध संघाचे माजी संचालक, विविध सहकारी संस्थांचे प्रतिनिधी आणि मोठ्या संख्येने कार्यकर्ते या मेळाव्याला उपस्थित राहणार असल्याची माहिती आयोजकांनी दिली आहे. निवडणुकीच्या पार्श्वभूमीवर दूध उत्पादकांच्या प्रश्नांवर रणशिंग फुंकण्यासाठी उद्या सकाळी ठीक ११ वाजता चुये येथील विठ्ठल रखुमाई मंदिराच्या पटांगणात हा  कार्यक्रम होणार आहे.