सरसेनापती संताजी घोरपडे साखर कारखान्याच्या सन २०२६-२७ च्या गळीत हंगामातील साखर पोत्याचे नामदार हसन मुश्रीफ यांच्या हस्ते पूजन
schedule09 Nov 26 person by visibility 199 categoryउद्योग
◼️गळीत हंगामाच्या यशस्वी वाटचालीसाठी शुभेच्छा; कारखान्याच्या अधिकारी व कर्मचाऱ्यांची उपस्थिती....
कोल्हापूर : सरसेनापती संताजी घोरपडे साखर कारखान्यात सन २०२६-२७ च्या गळीत हंगामातील उत्पादित साखर पोत्याचे पूजन वैद्यकीय शिक्षण मंत्री तथा नामदार हसन मुश्रीफ यांच्या शुभहस्ते उत्साहात करण्यात आले.
यावेळी कारखान्याच्या आगामी गळीत हंगामाच्या पार्श्वभूमीवर साखर उत्पादनाच्या प्रक्रियेला महत्त्वपूर्ण स्थान असून, साखर पोत्याचे पूजन हा कारखान्याच्या उत्पादन प्रवासातील एक आनंदाचा आणि समाधानाचा क्षण आहे.
ऊस उत्पादक शेतकरी, कारखान्याचे सभासद, अधिकारी, कर्मचारी आणि कामगार यांच्या सामूहिक योगदानातून साखर उद्योगाची वाटचाल पुढे जात असते. शेतकऱ्यांच्या कष्टाला योग्य मोबदला मिळावा आणि कारखान्याची प्रगती अधिक गतिमान व्हावी, या अपेक्षेने यंदाचा गळीत हंगाम यशस्वी होण्यासाठी सर्वांनी प्रयत्नशील राहण्याचा विश्वास यावेळी व्यक्त करण्यात आला.
याप्रसंगी कारखान्याचे जनरल मॅनेजर संजय शामराव घाटगे यांच्यासह कारखान्याचे अधिकारी, कर्मचारी व अन्य मान्यवर उपस्थित होते.
