कोल्हापूर  : कोल्हापूर जिल्ह्यात शेतातील सोलर पॅनेल, मोटर पंपाच्या केबल आणि मोटर सायकल चोरीच्या वाढत्या घटनांना आळा घालण्यासाठी स्थानिक गुन्हे अन्वेषण शाखेने (LCB) मोठी कारवाई केली आहे. पोलिसांनी ४ सराईत आरोपींना अटक करून एकूण १० गुन्ह्यांची उकल केली आहे.

▪️कारवाईचा थोडक्यात तपशील:
 * जप्त मुद्देमाल: एकूण ५,२६,000/- रुपये किंमतीचा मुद्देमाल जप्त करण्यात आला आहे. यामध्ये ६ मोटर सायकल, ३ केबल चोरी आणि १ सोलर पॅनेल चोरीच्या गुन्ह्यांमधील साहित्याचा समावेश आहे.

▪️अटक केलेले आरोपी:
   * मोहसीन नजमुद्दीन मोमीन (वय ३८, रा. मानेनगर, रुई, ता. हातकणंगले)
   * अनिल मल्लाप्पा गावडे (वय २४, रा. इंचलकरंजी, ता. हातकणंगले)
   * राहुल राजेश गुरव (वय ३१, रा. कोरोची, ता. हातकणंगले)
   * प्रवीण आदिकुमार गिरमल (रा. अब्दुल्लाट, ता. शिरोळ)

▪️उघडकीस आलेले गुन्हे व जप्त वाहन/केबल:
 * हातकणंगले पोलीस ठाणे: अपार कंपनीची डीसी इलेक्ट्रिक कॉपर केबल (१००० मीटर), एलटीएनके कंपनीची इलेक्ट्रिक कॉपर केबल (२०० मीटर), २ सोलर पॅनेल आणि केबल चोरीचे गुन्हे.

 * वाढगाव पोलीस ठाणे: स्प्लेंडर प्लस (क्र. MH 09 CC 6687) व हिरोहोंडा स्प्लेंडर (क्र. KA 23 YY 7070) मोटर सायकल जप्त.

 * शाहूपुरी पोलीस ठाणे: टीव्हीएस स्टार सीटी (क्र. MH 10 BF 1427) व हिरो होंडा पॅशन (क्र. KA 23 L-3553) मोटर सायकल जप्त.

 * कुरुंदवाड पोलीस ठाणे: बजाज डिस्कव्हर (क्र. RJ 14 BJ 6972) मोटर सायकल जप्त.

 * गोवा मडगाव व मिरज रेल्वे स्टेशन: हिरो स्प्लेंडर प्रो (क्र. GA 12 B 0183) सह इतर ठिकाणच्या चोऱ्या उघड.

पोलीस अधीक्षक  नीलोत्पल, अपर पोलीस अधीक्षक  अण्णासाहेब जाधव यांच्या मार्गदर्शनाखाली स्थानिक गुन्हे शाखेचे पोलीस निरीक्षक सुशांत चव्हाण, उपनिरीक्षक संतोष गळवे आणि तपास पथकाने ही धडक कारवाई केली आहे. सर्व आरोपींना पुढील तपासासाठी हातकणंगले पोलीस ठाण्याच्या ताब्यात देण्यात आले आहे.