वारणानगर : तात्यासाहेब  कोरे इन्स्टिट्यूट ऑफ इंजिनिअरिंग अँड टेक्नॉलॉजी (टीकेआयईटी), वारणानगरच्या यांत्रिकी अभियांत्रिकी विभागातर्फे आणि वारणा विद्यापीठाच्या सहकार्याने ‘फ्युचर रेडी इंजिनिअर्स प्रोग्राम २०२६–२७’चे उद्घाटन झाले. विद्यार्थ्यांना उद्योगक्षेत्रातील बदलते प्रवाह, कौशल्ये आणि अपेक्षांची माहिती देणे हा उपक्रमाचा उद्देश आहे.

कार्यक्रमाला पुणे येथील आय एफ बी रेफ्रिजरेशन लि.चे उद्योगतज्ज्ञ उपस्थित होते. कंपनीचे कार्यकारी संचालक  व्यंकट मदाला यांनी ‘भारतीय गृहउपकरण उद्योग : उत्क्रांती, परिवर्तन आणि भविष्यातील संधी’ या विषयावर मार्गदर्शन केले. त्यांनी उद्योगातील बदल, तंत्रज्ञानाची प्रगती आणि भविष्यातील संधी स्पष्ट केल्या.

कंपनीचे उपाध्यक्ष  काशीराम मेस्त्री यांनी ‘अभियांत्रिकी पदवीधर ते उद्योगक्षेत्रातील व्यावसायिक : कौशल्ये, मानसिकता आणि अपेक्षा’ या विषयावर संवाद साधला. तांत्रिक व व्यावसायिक कौशल्ये, सकारात्मक मानसिकता, कार्यसंस्कृती आणि उद्योगांच्या अपेक्षांवर त्यांनी मार्गदर्शन केले.

या सत्रांमुळे विद्यार्थ्यांना रोजगाराच्या नव्या संधी आणि आवश्यक कौशल्यांची माहिती मिळाली. शैक्षणिक ज्ञान व औद्योगिक गरजा यांतील अंतर कमी करण्यासाठी हा उपक्रम उपयुक्त ठरणार आहे.

उपक्रमासाठी वारणा विविध उद्योग व शिक्षण समूहाचे अध्यक्ष डॉ. विनयरावजी कोरे, वारणा विद्यापीठाचे कुलाधिकारी एन. एच. पाटील, कुलगुरू डॉ. डी. टी. शिर्के आणि श्री वारणा विभाग शिक्षण मंडळाचे मुख्य कार्यकारी अधिकारी डॉ. विलास कारजिन्नी यांचे मार्गदर्शन लाभले.

आयोजनासाठी, प्राचार्य, डॉ. के. आय. पाटील, अधिष्ठाता, डॉ. एस. एम. पिसे, विभागप्रमुख, डॉ. पी. व्ही. मुळीक, प्रा. जी. एस. कांबळे, डॉ. एस. व्ही. लिंगराजू,  प्रा. एस.एच. पाटील, डॉ. ए. व्ही. पाटील यांनी योगदान दिले.