कोल्हापूर : उन्हाळ्याच्या सुट्टीत शालेय मुले पोहण्यासाठी पाणी असलेल्या ठिकाणी गर्दी करत असतात. अनेकदा पालक किंवा स्थानिक तरुण मुलांना पोहायला शिकवत असताना, स्वतः प्रशिक्षण घेणारे किंवा शिकवणारे व्यक्ती पाण्यात बुडाल्याच्या दुर्दैवी घटना कोल्हापूरसह संपूर्ण महाराष्ट्रात घडल्या आहेत. या वाढत्या घटनांचा गांभीर्याने विचार करून, आपत्कालीन जीवन रक्षक दिनकर कांबळे यांनी एक महत्त्वपूर्ण पाऊल उचलले आहे.

शिक्षणमंत्री  चंद्रकांत दादा पाटील यांच्या वाढदिवसानिमित्त, महाराष्ट्रात प्रथमच अशा प्रकारचे खास प्रशिक्षण आयोजित करण्यात आले आहे. या तीन दिवसीय प्रशिक्षणात (सात, आठ, नऊ तारखेला) सहभागींना स्वतःचा जीव कसा वाचवायचा आणि पाण्यात बुडणाऱ्या व्यक्तीला सुरक्षित कसे बाहेर काढायचे, याचे तंत्र आणि टिप्स विनामूल्य शिकवल्या जाणार आहेत.

ज्या नागरिकांना पोहता येते आणि ज्यांना या प्रशिक्षणात भाग घ्यायचा आहे, त्यांनी आपला सहभाग नोंदवण्यासाठी ९८६०९४५९२४ या व्हॉट्सॲप नंबरवर संपर्क साधावा, असे आवाहन दिनकर कांबळे यांनी केले आहे.