कोल्हापूर  : ​महाराष्ट्र नवनिर्माण वाहतूक सेनेच्या वतीने दरवर्षीप्रमाणे यंदाही संस्थापक अध्यक्ष राज ठाकरे आणि बाळा नांदगावकर यांच्या वाढदिवसानिमित्त कोल्हापूर शहरातील गरजू कुटुंबांना शालेय शैक्षणिक साहित्य व जीवनावश्यक वस्तूंचे वाटप करण्यात येणार आहे. सलग १४ व्या वर्षी हा उपक्रम आयोजित करण्यात आला असून, गेल्या १३ वर्षांपासून गरजू विद्यार्थी, नागरिक आणि अंधशाळा या उपक्रमाचा लाभ घेत आहेत.

 राज ठाकरे यांच्या आदेशानुसार वाढदिवसाचा अनावश्यक खर्च टाळून गरजूंच्या मदतीसाठी हा उपक्रम राबवला जात आहे. या उपक्रमाचा लाभ घेण्यासाठी गरजू विद्यार्थी व नागरिकांनी शुक्रवार, दिनांक १२ जून २०२६ रोजी सकाळी ११.४५ वाजता छत्रपती शिवाजी महाराज चौक, भाऊसिंगजी रोड, कोल्हापूर येथे उपस्थित राहावे, असे आवाहन महाराष्ट्र नवनिर्माण वाहतूक सेनेच्या वतीने करण्यात आले आहे.

यावेळी मनसे वाहतूक सेना महाराष्ट्र राज्य उपाध्यक्ष राजू जाधव, अतुल भालकर अभिजीत राऊत राहुल कुंभार आदी पदाधिकारी उपस्थित होते.