कोल्हापूर: शिवाजी विद्यापीठाच्या स्पर्धा परीक्षा मार्गदर्शन केंद्रातील सन 2026-27 या शैक्षणिक वर्षासाठीची प्रवेश प्रक्रिया सुरू झालेली आहे. प्रवेश परीक्षा अर्ज दि. 30 जून 2026 पर्यंत मागविण्यात आले होते. तरी ज्या विद्यार्थ्यांनी प्रवेश परीक्षा अर्ज केले आहेत, त्या विद्यार्थ्यांची प्रवेश परीक्षा बुधवार, दि. 15 जुलै 2026 रोजी दुपारी 4.00 ते 5.00 या वेळेत मानव्यशास्त्र इमारत येथे घेण्यात येणार आहे, असे समन्वयक डॉ. कविता वड्राळे यांनी कळविले आहे.

अद्याप ज्या विद्यार्थ्यांनी प्रवेश अर्ज भरलेले नाहीत, अशा विद्यार्थ्यांनी दि. 10 जुलै 2026 पर्यंत प्रवेश अर्ज कार्यालयात आवश्यक कागदपत्रांसहित जमा करावेत.

 प्रवेश अर्ज केंद्राच्या कार्यालयात उपलब्ध आहेत. या संधीचा जास्तीत जास्त विद्यार्थ्यांनी लाभ घ्यावा, असे आवाहनही त्यांनी केले आहे. अधिक माहितीसाठी (0231) 2609371 या क्रमांकावर संपर्क साधावा.