कोल्हापूर : येथील छत्रपती शिवाजी जलतरण तलावात पोहण्यासाठी गेलेल्या एका १५ वर्षीय शाळकरी मुलाचा पाण्यात बुडून दुर्दैवी मृत्यू झाला. 

अभिनंदनकुमार राजेशकुमार सिंह असे या मृत विद्यार्थ्याचे नाव असून, तो मूळचा बिहारचा रहिवासी होता. त्याचे कुटुंब सध्या कोल्हापुरात राहत असून अभिनंदनकुमार येथे दहावीत शिकत होता. 

आज सायंकाळी पाचच्या सुमारास छत्रपती शिवाजी स्टेडियममधील तलावात पोहत असताना ही दुर्घटना घडली. या धक्कादायक घटनेमुळे परिसरात मोठी हळहळ व्यक्त होत असून, सीपीआर पोलीस चौकीत या प्रकरणाची नोंद करण्यात आली आहे. पोलीस या घटनेचा पुढील तपास करत आहेत.