वारणानगर : तात्यासाहेब कोरे डिप्लोमा कॉलेज, वारणानगर यांनी कॅम्पस प्लेसमेंट २०२६ मध्ये उल्लेखनीय यश संपादन केले आहे. कॉलेजच्या सिव्हिल व मेकॅनिकल इंजिनिअरिंग विभागातील एकूण २१ विद्यार्थ्यांची नामांकित कंपन्यांमध्ये निवड झाली आहे.

यामध्ये  फुकोकू इंडिया प्रा. लि., पुणे या कंपनीत सिव्हिल इंजिनिअरिंग विभागातील १३ व मेकॅनिकल इंजिनिअरिंग विभागातील ०७ अशा एकूण २० विद्यार्थ्यांची निवड झाली असून, त्यांना २.७८ लाख रुपये वार्षिक पॅकेज मिळाले आहे. तसेच बजाज  या नामांकित कंपनीत १ विद्यार्थ्याची निवड झाली आहे.

विद्यार्थ्यांच्या या यशामागे प्रशिक्षण व प्लेसमेंट सेलचे प्रभावी नियोजन, विभागप्रमुखांचे मार्गदर्शन तसेच विद्यार्थ्यांची सातत्यपूर्ण मेहनत कारणीभूत ठरली आहे.

या उल्लेखनीय यशाबद्दल  वारणा विविध उद्योग व शिक्षण समूहाचे अध्यक्ष, डॉ. विनय कोरे, श्री वारणा विभाग शिक्षण मंडळाचे मुख्य कार्यकारी अधिकारी डॉ. व्ही. व्ही. कार्जीनी, डिग्री प्राचार्य डी.एन .माने, अधिष्ठाता, डॉ. एस. एम. पिसे, पॉलिटेक्निकचे प्राचार्य, प्रा. पी. आर. पाटील, प्रशिक्षण व प्लेसमेंट अधिकारी प्रा.पी.जे.पाटील,  प्रा. आर. वाय. पोवार, तसेच सर्व विभागप्रमुख व प्राध्यापकांनी यशस्वी विद्यार्थ्यांचे अभिनंदन करून त्यांच्या उज्ज्वल भविष्यासाठी शुभेच्छा दिल्या.