कोल्हापूर : पुणे विभागीय भ्रष्टाचार निर्मूलन समितीची बैठक माहे जून 2025 या महिन्याच्या दुस-या सोमवारी 9 जून 2025 रोजी विभागीय लोकशाही दिन झाल्यानंतर सकाळी 11.30 वाजता विभागीय आयुक्त कार्यालय पुणे, विधानभवन येथे आयोजित करण्यात आली आहे, अशी माहिती अपर आयुक्त, (महसूल) तथा विभागीय भ्रष्टाचार निर्मुलन समिती पुणे विभाग पुणेचे सदस्य सचिव महेश पाटील यांनी दिली आहे.

प्रत्येक तीन महिन्यातून एकदा भ्रष्टाचार निर्मूलन समितीची बैठक आयोजीत केली जाते. तीन महिन्यांत समितीकडे आलेल्या तक्रारी व त्यावर केलेल्या उपाय योजनांबाबत पुणे विभागीय भ्रष्टाचार निर्मूलन समितीची आढावा बैठक नियमितपणे घेण्यात येते. 

भ्रष्टाचार निर्मूलन समितीची बैठक सर्वसाधारणपणे तीन महिन्यानंतरचे पुढील महिन्याच्या दुस-या सोमवारी विभागीय लोकशाही दिन झाल्यानंतर आयोजित करण्यात येते.