कोल्हापूर : लिव्ह इन रिलेशनशिप प्रकरणातून समीक्षा नरसिंगे  या युवतीचा खून केलेल्या सतीश यादव तरुणाने  गळफास घेऊन आत्महत्या केली.  त्याचा मृतदेह शाहूवाडी तालुक्यातील माळापुडे कातळापुडी येथे आज गुरुवारी (दि.५) आढळून आला. मृतदेह उत्तरीय तपासणीसाठी रुग्णालयात पाठवण्यात आला आहे.

दरम्यान, प्रेयसी समीक्षा भारत नरसिंगे (वय 23, रा. जय भवानी गल्ली, कसबा बावडा) हिचा खून केलेला प्रियकर सतीश मारुती यादव (सध्या रा. शिवाजी पेठ, कोल्हापूर, मूळ रा. पेंद्रेवाडी, उंड्री ता. पन्हाळा) हा घटनेनंतर पसार झाला होता. पोलिसांनी पथके तयार करून त्याचा शोध घेत होते. 

लिव्ह इनमध्ये राहून लग्नाला नकार देत असल्याच्या रागातून यादव याने मंगळवारी (दि. ३) दुपारी  समीक्षा हिचा चाकूने भोसकून खून केला होता. पोलिसांनी त्याच्या शोधासाठी चार पथके तैनात केली होती. त्याचा मोबाईल बंद असल्याने पोलिसांना लोकेशनही सापडत नव्हते. दरम्यान आज सचिन यादव याचा मृतदेह शाहूवाडी तालुक्यातील माळापुडे कातळापुडी येथे आज गुरुवारी आढळून आला. याबाबत पोलिस अधिक तपास करत आहेत.