कोल्हापूर : महानगरपालिकेच्या महिला व बालकल्याण समितीच्या माध्यमातून यशवंतराव चव्हाण (के.एम.सी.) महाविद्यालयातील अकरावी व बारावीच्या ४७ विद्यार्थ्यांना केएमटी बसचा मोफत प्रवास पास देण्याचा निर्णय घेण्यात आला होता. मात्र, या योजनेला केएमटीच्या परिवहन समितीची अंतिम मान्यता मिळालेली नसताना व निमंत्रण पत्रिकेत परिवहन समितीच्या सभापती आणि पदाधिकाऱ्यांची नावे वगळण्यात आल्याने महापालिकेच्या विभागांमधील समन्वयाचा अभाव उघड झाला होता.
या सर्व प्रकारानंतर केएमसी कॉलेजच्या प्रभारी प्राचार्यांनी व्हिडिओच्या माध्यमातून घडलेल्या प्रकाराबद्दल दिलगिरी व्यक्त केली आहे.

🟣 प्र.  प्राचार्यांच्या भूमिकेतील प्रमुख मुद्दे:
 ◼️ अनावधानाने घडलेली चूक: काल महाविद्यालयातील कनिष्ठ विभागातील विद्यार्थिनींच्या मोफत पास वितरण समारंभात अनवधानाने परिवहन सभापती  सत्यजित चंद्रकांत जाधव  आणि परिवहन समिती सदस्यांची नावे निमंत्रण पत्रिकेत व कार्यक्रमात नमूद करायची राहून गेली, असे प्राचार्यांनी स्पष्ट केले.

 ◼️ दिलगिरी व माफी: या चुकीबद्दल महाविद्यालयाच्या प्राचार्यांनी परिवहन विभागाची आणि संबंधित पदाधिकारांची दिलगिरी व्यक्त केली आहे.
 ◼️ पुढील दक्षता: भविष्यात अशा पद्धतीची कोणतीही चूक होणार नाही, याची पूर्ण दक्षता घेतली जाईल अशी हमी त्यांनी दिली आहे.
 ◼️ सहकार्याची अपेक्षा: माननीय सभापती आणि परिवहन समितीचे सदस्य याबद्दल क्षमशील ठरतील आणि यापुढील काळात मार्गदर्शन व सहकार्य करतील, अशी अपेक्षा प्राचार्यांनी व्यक्त केली आहे.