◼️भाऊबीजेच्या पवित्र पर्वावर माता-भगिनींकडून नामदार मुश्रीफांचे औक्षण

कोल्हापूर : भाऊबीज हा केवळ भाऊ-बहिणीच्या प्रेमाचा सण नसून, जिव्हाळा, आपुलकी, विश्वास आणि नात्यांमधील अतूट बंध जपणारा एक पवित्र सण आहे. याच मंगलमय भाऊबीजेच्या निमित्ताने माता-भगिनींनी वैद्यकीय शिक्षण मंत्री नामदार हसन मुश्रीफ यांचे औक्षण करून त्यांना प्रेमाचा आणि आशीर्वादाचा अनमोल ठेवा दिला.

यावेळी आपल्या भावना व्यक्त करताना नामदार हसन मुश्रीफ म्हणाले की, "माता-भगिनींनी भाऊबीजेनिमित्त माझे औक्षण केले आहे. माझ्या तमाम माता-भगिनींच्या आशीर्वादाची कवचकुंडले सदैव माझ्यासोबत आहेत. त्यांच्या या अफाट प्रेमातून, विश्वासातून आणि आशीर्वादातूनच मला समाजासाठी अधिक जोमाने आणि समर्पित भावाने काम करण्याची प्रेरणा मिळते."

या स्नेहपूर्ण आणि आनंदाच्या वातावरणामध्ये मंत्री महोदयांनी सर्व माता-भगिनींना भाऊबीजेच्या मनःपूर्वक शुभेच्छा दिल्या.