कोल्हापूर : जिल्हा सैनिक कल्याण कार्यालयाच्या अखत्यारित असलेल्या सैनिकी मुलांचे वसतिगृहासाठी अशासकीय सहा. वसतिगृह अधिक्षक हे पद तात्पुरत्या स्वरुपात कंत्राटी पध्दतीने व 24,875/- एकत्रित मानधनावर भरावयाचे असून माजी सैनिकांना प्रथम प्राधान्य देण्यात येणार आहे. इच्छुकांनी आपले अर्ज 18 मे रोजी दुपारपर्यंत जिल्हा सैनिक कल्याण कार्यालय, कोल्हापूर येथे जमा करावेत.

 अर्जाचा नमुना जिल्हा सैनिक कल्याण कार्यालयात उपलब्ध असून विहित नमुन्यातच अर्ज सादर करावा. प्राप्त अर्जाची पडताळणी करुन उमेदवारांची मुलाखत 19 मे रोजी सकाळी 11 वाजता घेण्यात येणार आहे. उमेदवार निवडीचे सर्व अधिकार जिल्हा सैनिक कल्याण अधिकारी यांना राहतील. इतर अटी, शर्ती व सविस्तर माहितीसाठी जिल्हा सैनिक कल्याण कार्यालय, कोल्हापूर येथे किंवा मोबाईल 9172035612 व दुरध्वनी क्रमांक 0231-2665812 वर संपर्क साधावा, असे आवाहन जिल्हा सैनिक कल्याण कार्यालयामार्फत करण्यात आले आहे.