कोल्हापूर : कोल्हापूर सराफ व्यापारी संघाच्या वतीने मंगळवारी (ता. १७) व्यावसायिक कार्यशाळेचे आयोजन केले आहे.

कोल्हापूर सराफ व्यापारी संघ व आयआयजेएसच्या संयुक्त विद्यमाने हॉटेल झोरबा येथे मंगळवारी सायंकाळी सात वाजता होणाऱ्या या कार्यशाळेमध्ये ३० जुलै ते ४ ऑगस्ट या कालावधीत मुंबई येथे होणाऱ्या प्रदर्शनासंबंधी  नाहीद सुनके माहिती देतील. यावेळी नोंदणीही केली जाईल. मिथिलेश पांडे जीजेईपीसी व व्यावसायिक संधींवर मार्गदर्शन करतील. यामध्ये व्यवसाय वाढ, ग्राहकांची आवड निवड, भाववाढीतून व्यवसाय, जाहिरात, भांडवल कसे उभे करायचे, इम्पोर्ट-एक्स्पोर्टद्वारे व्यवसाय वाढविणे आदी गोष्टींवर मार्गदर्शन करणार आहेत. डायमंड उद्योगावर इंडियन नॅचरल डायमंड रिटेलर अलायन्सचे श्री. मुलरी मार्गदर्शन करणार आहेत.

 व्यवसाय वाढीच्या दृष्टीने या कार्यशाळेला सराफ व्यावसायिक व सुवर्णकारांनी उपस्थित राहण्याचे आवाहन अध्यक्ष राजेश राठोड, उपाध्यक्ष विजय हावळ, सचिव शिवाजी पाटील, प्रीतम ओसवाल यांच्यासह संचालक मंडळाने केले आहे.